PILIPINAS

LIPI NG AMING BAYAN

 

  

Pinoy, Pinay, ‘Pinas

Ating butil lahi, sisidlan ng ating lipi

Sa ating karikit na gunita

Silbing luha bagkos sa buhay na sumawi

 

Tatlumpung dekada, ikinubli, winasak, tinapatan

Akala ni Juan, umalpas na yaring mga kalaban

Nang itatwa tayo ng mga banyaga

Bagong karimlan pala’y handa ng pumuga.

 

Singkit ang yumakap, yumurak at naghatol

Sa paraisong, ikinubli ng matagal na kahapon

Oh, liwanag kailan ka nga ba aamo?

‘Tila takipsilim nanaman ang magigi kong amo.

 

Ginipit, Inipit, Dinusta

‘Yaring singkit mas malala pa pala

Buhay ang binabawi, walang tigil ang pag-uha!

Sa ama, sa ina, sa anak sa mga kapwa kong na-aba!.

 

Ang pagkaka-ipit sa halos pusikit na karimlan

Ang sumintensya sa kakarampot na karapatan

Mahabang lakaran, walang kabayaran

Ang dusa at sugat sa hapis kong katawan.

 

Pagpatay, pagbitay, O berdugo mong kamay

Hanggang kailan ba ito, yao naming pag aalay

Dagat at dugo, hindi na mapag sino, Ano ang ano?

Ang paghihintay ko ba’y sinlayo na ng abo.

 

Mga inang nagsisitangis sa dinaranas na pighati

Sintang bayan ko, O tiisin ang lahat ng mga tiisin

Sa mga ulila at balo sa mga bilanggong lupagi

Minamahal kong ‘Pinas, saglit at ngingiti din ang api.

 

Saklolo, Saklolo, Maawa kayo!

 

Samyo nitong Umaga, Oh! Bakit hindi?

Patanglawan, buwan ma’y humihikbi

Kailangan na ang pag-kilos, tara sa may puti

Kaibigang ibayo, tulong mo’y aking hiling.

 

Sa bartolinan ng piitang kapuluan

Heto ang puti, iniabot yari nilang pag-alwan

Pagkalag sa posas, balato nila sa inang bayan

Oh! Kay sarap ng buhay, ‘pag ibayo’y iyong katawan.

 

Sa himpapawid at parang, Laya na sanang sumasagwan

Nang may biglang humarang, sumaksak sa aking likuran

Bagong kabanta, sumisigaw! Wala na bang katapusan

Sila’y na liwanag, tuluyan na bang pumapanaw.

 

Ang pagka-ipit tila ‘di na matatapos

Sigarilyong tabako, kalian ba mauupos

Sa ating pag kilos na tungo sa paghulagpos

Kalabang mang-aapi, kailan ba mauubos.

 

Ano ba ang kailangan ng akala kong kaibigan

Bumaliktad at ngayo’y naniningil na ng pautang

Porsyentong hiling kay hirap na bitawan,

Ngunit aking gagawin dahil mahal ko itong bayan.

 

At sa wakas, Oh hiyas ng dagat-silangan

Ang paghiyaw ay tuluyan ng matutuldukan

Ibo’y lumipad, umalpas ng walng pag-aalinlangan

Malinis, walang hapis. Tunay ngang kalayaan.

 

Wagayway, Wagayway

            Oh! Kay tagal kang hinintay.

Bandila kong simbolo ng matagal na pagka-himlay

Lupaing kasuyo ng buwan,

            Ngayo’y kahit araw ay kumaway

Kay sarap ng amihan lalo’t di nakakamamatay.

 

Laying ngumiti, hiwaga’y pumipili

Liwas na pag-idlip, babangon bagong lipi

Sa mapa mo, ‘wag ipagkait si Juan ay masipi

At sa matagal na pagkapipi, hayo’t  isigaw:

            REPUBLIKA NG PILIPINAS

            Magipit ma’y wala ng maka-aapi.

 

Ang korni talaga.

hehehehe:>

Pyesa ito na gagamitin sa aming sabayang pag bigkas.

at akalain mo ba namang ako ang gumawa niyan.

Sh*t.

Advertisements

~ ni tina sa Oktubre 6, 2008.

Isang Tugon to “PILIPINAS”

  1. asteeg! tagagawa ka na pala ng piece sa choral ngaun wah.
    aydol!

    keep it up.

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s

 
%d bloggers like this: